天煞撞正怪怪獸–泡泡啫喱！﹖笑到你咩都唔記得哂！

由於睇咗宣傳片嘅關係，今日去咗銅鑼灣時代廣場睇咗3D 版本嘅「天煞撞正怪怪獸」，105蚊張飛貴係貴咗啲，不過真係值回票價。

角色設計都好可愛，好騎呢，好似虫隆子，高師奶，大強博士，不過我最最隻藍色嘅泡泡，實在太過癮啦！” 泡泡 ” 真係好搶鏡！所以就做咗個原版 ” 泡泡 ” (未變怪怪獸之前個樣) 同埋幫佢做個女朋友出嚟！係咪好登對呢﹖

嗰個畫面好靚，3D景立體到好似想跳出嚟咁！最初啱啱出嗰場戲，有個男人玩彈彈波，直情好似想彈出嚟咁，攪到我對眼都驚咗一驚。太空超靚~! Kelly配音勁搞笑！高師奶哩個角色簡直好似為Kelly度身訂造咁！William都配得好生鬼，總統先生好抵死，套戲仲有好多攪笑位，Gag位咁！

係睇嘅過程中，有啲前後左右嘅觀眾都話有啲頭暈，之但係我係睇完場戲出到嚟先有啲暈。